U Deputy Commissioner ka East Jaiñtia Hills District da pyntip u wa nei boon kiwa uiñke suwari kiwa wan cha Meghalaya, kamtæ da emkaam wow booh ya ki dukan dukdoh (Wayside Amenities) harood ki sarok ha ki sarok wa lai lyngba ka jylla. Kini u kynthup ki ya ki paikhana, ki dukan dai baam, dukan dai tiar, ki thaw pynyieñ kari wa kiwi kiwi khnang wow pynsuk ya kiwa lai wa wan.
Heiyatoh wa ini da khut ya ki bru wow pynpoi ya ka Expression of Interest (EOI) heiwa ka Directorate of Tourism daw booh ko ya ki Wayside Amenities ha i thaw kiwa thap pyrtuid la da ki bru samen næ na ka chnong. Ki bru namo ki seiñ kiwa pynlai ya kini ki dukan ye ki wow booh cha ki hi ya ka poisa wa yoh ki na i dai i thied. Ki bru næ ki seiñ kiwa em i thaw wa heh harood ki sarok heh ye ki wow pyndap pyrtuid.
Ka thong yong ini toh wow pynsuk ya ki paidbah wa lai wa wan khamtam kiwa uiñke suwari wei wow man ka jylla kawi na kiwa ye bha u riñ ya kiwa lai wa wan.
Da kwah wa ini i thaw toh u em i harood u sarokbah (National Highway’, ‘State Highway’ wa ‘Major District Road’) wei i thaw ymtoh u heh i palat 1,000 sq. ft. (iwa yaar ym duna 15 ft) wei toh u em bordiñ wa ki dooid wa biang.
Ka chnat Tourism daw jied ko du ya kiwa biang katkam ki kyndon wa da booh wei ye u man ki kam ki tre thaw lane kiwa chim wai yei thaw ym duna ya 10 snem (emkaam wow pynbiang ya ki kot ki sla).
Kiwa kwah u pyndap pyrtuid ye ki wow e ya ka ‘Expression of Interest’ ha ka Directorate of Tourism, Nokrek Building Lower Lachumiere, Shillong, Meghalaya-793001 deiwa lai e kti hi dei bru lane deiwa phah da ka Courier, Speed Post wa da ka Registered Post.
Kiwa pyndap leh ye ki wow e ya ka EOI deiwa soi ha ka Form-I, Self-declaration Form-II, Pre-bid Queries Form-III. Ka EOI u pdiang ya ka hapoh 20 sngi donhi.
Ya ki yutip wa bniah ye u lai ha ka website https://www.meghalayatourism.in/.
