U Deputy Commissioner (Supply) East Jaiñtia Hills District da khut u ya ki bru wow pyndap pyrtuid kam ki Co-Operative Society, ki NGO næ ki Self Help Group neibynta wow thung ya ki kam kiwa dai wa saam rachon sorkar (PDS) neibynta u snem 2022 ha ki Wholesale Centre ka East Jaiñtia Hills District neibynta ki thaw wa em ha Khliehriat 6 tylli, ha Sutnga 2 tylli, ha Rymbai 1, ha Lumshnong 2 tylli wa ha Umkiang 2 tylli.
Kiwa kwah ye ki wow pyndap ya ka Form 1 yong ka Meghalaya Foodgrains (PDS) Control Order, 2004 deiwa ekti ya ka Form ha u Deputy Commissioner (Supply) East Jaiñtia Hills District, ha namo chwa ka 15 Naichiphaw, 2021 hapyrdi ki kynta krehkaam chirup wa ki kot ki sla wa emkaam.
Ki kot wa emkaam wow sooh chirup wa ka Form kynthup ki ya ka ki kot ki sla wa emkaam kam ya ka Court Fee Stamp T. 25, le tylli ki dur chiteiñ, ka Bank Guarantee T. 1 lak ya ki bru ri-loom (Tribal) wa T. 2 lak neibynta ki (Non Tribal).
Emkaam leh wow yoh chithi na u Waheh Chnong hajrong i em ki thaw booh mar (Godown) wa i dur kani ka thaw, ka Trading License neibynta ki Non-Tribal, ka Sale Tax Clearance Certificate, ka Schedule Tribe/Caste Certificate, Residential Certificate na ki Waheh Chnong wa ki Certificate wa tip ki chaphang ki kaam Internet.
Ya ka yutip wa bniah ye u yoh na ka yung krehkaam u Deputy Commissioner (Supply) East Jaiñtia Hills District.
