U Deputy Commissioner, East Jaiñtia Hills District da khut paidbah u wow chimbynta ha ka All India Services Pre-Examination Training Centre, Shillong neibynta ki chynrang wa kynthai kiwa haap ha ka Scheduled Tribe, Scheduled Caste wa ka OBC ka jylla Meghalaya.
Ki Candidate heiwa ki bei namo pa yong ki toh ki Safaiwallas kiwa ye u yakhun ya ka UPSC Civil Services (Qualifying) Examination 2021 ye ki wow yoh myntoi na ka Centre.
Ya ka Coaching u leh hei ktien English wei toh u em ki 21 snem chajrong kiwa da pyndep Degree deiwa yoh ym duna ya ka 50%.
Kiwa da jooh chah hikai wot tang chisien ha ki Pre-Examination Training Centre ha ka ri wei kiwa kwah u yakhun ya ka UPSC Civil Services Preliminary Examination, 2021 namo ka CS Prelims Examinations mo kiwa dang thymme ye ki wow chah hikai ha kini ki Center. Wei daw jied chwa ya kitu kiwa da dep wow pyrchang yaleh ya kani ka UPSC Exam.
Ki Candidate toh u pyndap yakhun ki yow yaleh ya ka Union Public Services Commission (UPSC) yow yaleh Admission cha CS (Preliminary) Examination 2021 wei ya kiwa chah jied ye ki leh u yoh myntoi wow sah Hostel chirup wa i baam mynkna.
Ya ki Application toh u pynpoi chwa ka 7 tarik uni u bnai wei u ye u pdiang du 100 ngut donhi ki khynnah.
Ye leh u yoh ya ki Application Form na O/o AISPETC, Shillong namo deiwa Download na ka Website ka MATI mati.gov.in
Ya ka Form wa dadep pyndap ye u email cha ka [email protected] namo u Post næ ekti ha ka O/o All India Services Pre-Examination Training Centre Additional Secretariat Building, Old MATI (Premises), Shillong-1 nadooh 11 i sngi hadooh 3 i janmiet.
Ya i pyrtuid kiwa chah jied daw wah ha ka Notice Board ha ka 10 tarik uni u bnai wei ye u pyntip leh lyngba ka Phone Number/e-mail kamwa da pyndap ha ki Application Form.
Ki Class u sdang ki nadooh ka 15 tarik uni u bnai hadooh ka 19 Naiynru 2021.
