Khliehriat: U Deputy Commissioner, East Jaiñtia Hills District da pynbna paidbah u wa i kaam dai rachon (Fair Price Shop Dealers) wa Phniang Charak (S.K. Oil Retailers) ha East Jaiñtia Hills District neibynta u snem 2019 u kut noh i ha ka 31-12-2019.
Kamtæ kiwon kiwon kiwa chong chnong ki Society yong ka East Jaiñtia Hills District kiwa kwah wow man Fair Price Shop Dealers neibynta u snem 2020 ye ki wow phah ya ki Application yong ki ha ka yung krehkaam u Deputy Commissioner (Supply), Khliehriat.
Ya ki Application Form ye u yoh na kani ka yung krehkaam.
Ki Kot ki sla wa emkaam wow sooh lang chirup wa ka Application Form man ki kamni hawah:
1. Court Fee Stamp T. 14.
2. Ka rai yong ka Dorbar Chnong.
3. Ki dkhot yong ka Vigilance Committee.
4. Epic.
5. Bank Account No. (Da kawa Xerox ya ka sla kawa chakhmat yong ka Passbook kawa pynyoo ya ki pyrtuid ka Bank Account etc).
6. Passport Size- 2 tylli.
7. Mobile Phone No.
8. Bank Security Deposit T. 5000 (San hajar tangka).
Ka Dorbar Chnong namo Local Club toh u kitkhia ki wow pait bniah ya ki Application, wei wow ekti ya ki Application cha ka yung krehkaam u Deputy Commissioner (Supply), Khliehriat ha namo chwa ka 30 Khonchonglad, 2019 khnang wow lait na iwon iwon i tkhoh hawa saam ya ki mar baam wa ki phniang charak.
Ki waheh chnong wa ki Secretary chnong ymye ki wow man Dealer, wei emkaam leh wow tipmit ki ya kiwa thap pyrtuid wei wow man ki kiwa biang ha ka liang ka poisa, i thaw booh tiar wa ya i phniang charak kiwa biang, wei kiwa tip leh wow thoh u taar.
Ya ki Application ki wymbiang katkam ki kyndon wa da kdaw hajrong ymye u pdiang ya ki.
Discussion about this post