U Deputy Commissioner (Supply) West Jaiñtia Hills District da pynbna paidbah u wa da khut u ya ki bru wow pyndap pyrdtuid ya ki Co-operative Society, ki NGO næ ki Self Help Group neibynta wow thung ya ki kam kiwa dai rachon sorkar (PDS) neibynta u snem 2022 ha ki Wholesale Centre.
Ini toh neibynta ka Wholesale Centre kawa da em ha nongbah ha Jowai, Ummulong, Nartiang, Shangpung wa ha Sahsniang. Kiwa kwah wow pyndap ya kani ka kaam ye ki wow yoh ya ki Form-I na ka yung krehkaam u Deputy Commissioner (Supply) ka West Jaiñtia Hills District. Ka tarik wa khaddooh wow pynpoi ya ki pyrtuid toh ha namo chwa ka 4 Naichiphaw, 2021.
Ki kot ki sla wa emkaam kynthup ki ya ki Court Fee Stamp T. 25, le tylli ki dur chiteiñ, ka Bank Guarantee T. 1 lak ya ki bru ri-loom (Tribal) wa T. 2 lak neibynta ki Non-Tribal.
Emkaam leh wow yoh chithi na u Waheh Chnong hajrong i em ki thaw booh mar wa i dur kani ka thaw, ka Trading License neibynta ki Non-Tribal, ka Sale Tax Clearance Certificate, ka Schedule Tribe/Caste Certificate, Residential Certificate na ki Waheh Chnong wa ki Certificate wa tip ki hajrong ki kaam internet.
Kiwon kiwon kiwa chah jied u kut ka samoi ki hadooh ka 31-12-2022 næ ye biang wow pteiñ hadooh ka 31-03-2023.
