Jowai: U Deputy Commissioner (Supply), West Jaiñtia Hills District da pyntip u wa i por wow krehkaam ki dukan rachon namo ki Fair Price Shop Dealer neibynta ki thaw wa em cha sor wa cha palat sor (Urban & Rural Centre) hapoh ka District u kut noh ko haka 31-12-2020, wei ki Form wow yaleh neibytna ki Fair Price Shop Dealers kamjooh ki S.K Oil Retailers (phniang charak) neibynta u 2021 da ye wow yoh na ka yung krehkaam u Deputy Commissioner, Supply wei ka tarik wa khaddooh wow lai e ya kani ka Form toh haka 25-11-2020.
Ya kiwa yaleh (Application) toh u yoh leh yei mynjur wei kiwa da tyrwa u waheh chnong, deiwa pyndait yaka Court Fee stamp wa Rs. 25 yow pynthymme ya kiwa jooh neibynta u snem 2021.
Katkam ki kyndon, ki Dealer toh u man ki kiwa tip u puræ puthi. Ki Fair Price Shop wa ki Superior Kerosene Oil Dealer ym toh u man ki da ki waheh chnong, secretary chnong wa kynthup ya ki dkhot ka Executive Committee.
Lada chah jied kam ki Dealer, yaki pyrla ki, thaw khia toh u yoh yaka muhor naka yung krehkaam Metrology Department, i thaw wa em toh u man iwa suk yow saam rachon kamjooh kiwa saam phniang charak, u em ki Depot, toh u em leh yaka Food Safety License wa kiwi ki kot ki sla wa emkaam.
