Neiliang u District Sports Officer ka West Jaiñtia Hills District, da pyntip u wa deiwa ya krehlang waka West Jaiñtia District Sports Association, daw pynman yaka District Level Inter School Athletic Meet 2024 ha Kiang Nangbah Stadium, Jowai haka 1 tarik, 2 tarik wa 3 tarik u Naisan, 2024 neibynta ki Under-14, Under-16 wa Under-18 yong ki chynrang wa kynthai ka West Jaiñtia Hills District.
U snem wa ki tarik kha ya kiwa chimbynta man ki kamni ha wah:
1. Under-14: Ymtoh u kha chwa yaka 30-11-2010 næ hadien ka 30-11-2012.
2. Under-16 Age: Ymtoh u kha chwa ka 30-11-2008 næ hadien ka 30-11-2010.
3. Under-18: Ymtoh u kha chwa ka 30-11-2006 næ hadien ka 30-11-2008.
Ka tarik wa khaddooh wow pynpoi yei pyrtuid kiwa chimbynta toh ha ka 18-04-24.
Yei pait i sylli (Screening) ya kiwa chimbynta u pynman haka 22-04-24 ha Kiang Nangbah Indoor Stadium, Jowai nadooh 9:00 waje i step hadooh 4:00 waje i janmiet.
I yachem wa kiwa sikai, kiwa mihkhmat ki skur u pynman haka 25-04-24 heipor 1:00 waje i sngi ha yung krehkaam u DSO.
Ki skur wa kwah u chimbynta ye ki wow yoh yaka Entry Form naka yung krehkaam u DSO hi ha ki por wa man kreh.
Waroh kiwa yalehke hap ki wow wanrah yaka Original Adhaar Card, Birth Certificate wa yoh na ka CEO ka Municipal/CHC/PHC ha ka sngi wa leh Screening wei wow e lang yaka Photo Copy ka Birth Certificate deilang waka Form.
Ym pdiang ya kiwa wan thap pyrtuid thymme ha ka sngi wa leh Screening.
Hap leh u wanrah ya iwi i dur Passport Size yong kiwa yalehke kiwa toh u sooh lang ha ka Form.
Ym hoi u dam u rah ya u Adhaar Card wa Birth Certificate. Ya kitu kiwa yalehke kiwa da Register hapoh ka AFI-UID (lada em) ye ki wow rah ya kini yow pynsakhiat yei snem ki.
Discussion about this post