Jowai : U Deacon Leeborki Dhar (SDB), u khon u ma Micheal Saioo wa ka kong Beatris Dhar ynne ka sngi da pynkyntang ya oo kam u Lyngdohniam ha ka lehniam wa pynman ha madan ka St. Theresa Cathedral, Marianhill Jowai.
Ka lehniam man ko kawa chongkun wei kawa phooh wa phieñ kawa wan sakhi da ki spah ngut kiwa ngait niam Catholic na kylleiñ kylleiñ.
Da pynktang Lyngdohnaim ya u Leeborki da u Bishop ka Jowai Diocese u Victor Lyngdoh heiwa da kular u leh ya waroh wa ka niam da yooluti ko na oo.
U Bishop hei klam yong oo da ong u wa i man Lyngdohniam ym toh iwa suk neibhah ka yukit man ko kawa khia hadooh kattæ kattæ iwa haap u mylliñ noh ya waroh yow chakri ya ki paidbah wei emkaam u man uwa yang langbrot wa bha.
U Lyngdohniam wa thymme hei klam yong oo da e khublei u ya waroh wa da pynlut bor pynlut por wow pynman ya kani ka sngi wa sahkynmoo, da e khublei u leh ya ka kur Dhar wa ka kur Saioo kamjooh ya kiwa hayung hasem u kiwa kynmoo ya oo ha i duwai yong ki man ka sngi.
Da khut u leh ya ki khynnah khynroo khyllood wow jubab yei khut u Blai ya ki yow wan chakri ya oo.
Ha kani ka pynkyntang Lyngdohniam da em leh u Fr. Hilarius Lamare, Vicar General, Fr. Manbha Pakem, Fr. Ferdinand Dkhar, Pro Curator Jowai Diocese wa kiwi kiwi.
Discussion about this post