Ki bor pynlai namo ka Management ka Meghalaya Energy Corporation Limited da khut yaklam ko ya ka MeECL Progressive Workers’ Union (MePWU) ha ka 17 tarik uni u bnai heipor 11:30 i sngi ha MeECL, Lumjingshai Conference Hall.
Kam wow kdaw heini ka MePWU toh ka seiñ kiwa kreh Contractual/Casual heiwa da dawa ki wow pynskem noh ya i kreh yong ki.
Neidaw wa ym mano ki bor pynlai ka MeECL ya ki dawa ka seiñ, da pynman ya ki yakhih wa sdang nadooh ka 29,30 wa 31 u Naisaphra wa i chong kylleiñ myngngor, ha ka 05-09-22 hadooh 16-09-22.
Da pynman biang ya i yakhih nadooh ka 10-10-22 hadooh ka 14-10-22 ha B.C House, Shillong wa sa ka Mass Casual Leave ha ka 17-10-22 wow ye ki dkhot wow man Rally ha Parking Lot, MeECL, Lumjingshai, Shillong.
Heijooh i por da maham leh wow yakhih deiwa lai paidbah cha Secretariat hadien ka yalang.
