Ynne ka sngi heipor 12:47 i sngi, ka æriong kawa da wan syndet syndet ha ka chnong Lumtrep Nongjngi da khyndang ko ya soo tylli ki yung wa em hapoh kani ka chnong, wei ka æriong da neh ko hadooh kamwa 10 minit.
Ki yung kiwa chah tympra toh i yong ka Kriemlis Nongkrem, ka Shimlangi Shalliang, ka Sya Pale wa i yung u Riskem Nongkrem wei da rah leh kani ka æriong ya ki tinyung hadooh wa ym de wow chong wow sah neidaw wa da chlai um lut ki kamra.
Ki yung kiwa da chah ktah ki wym man de wow chong wow sah toh i yong ka Kriemlis Nongkrem wa i yung yong ka Shimlangi Shalliang.
Kamtæ neiliang yong ka Seng Samla Lumtrep (SSL) da kyrpaad ko yaka sorkar wei khamtam yaka BDO yong ka Thadlaskein wa u Deputy Commissioner wow pynpoi smat ki yei yarap cha kini ki manyung wa chah ktah haka æriong.
Ka kyrwoh na u Jewel Nongkrem, Secretary SSL wa na u Pyniaddame Pale, Assistant Secretary SSL kamjooh na u Ebormi Pale, General Secretary ka RJYF-CB
Da yoh yutip leh wa haka chnong Iengkar Nongjngi toh kawa chah ktah na kani ka æriong heiwa da em uwi u khynnah wa mynsoo na ini wa jia uwa pyrtuid u Staling Sumer (7 snem) u khon yong ka Jainbha Sumer uwa da mynsoo ha khlieh wa ha kjat.
Ha kani ka chnong da chah ktah i yung ka Jainbha Sumer, ka Lota Sumer, ka Marcis Sumer waka Meri Sumer. Waroh kini ki yung ym man de wow sah.
Discussion about this post