Katkam ka yutip wa da yoh da ong wa ynne heipor kamwa 12:45 i sngi ka la’ær kawa joor da wan syndet ko chirup wa u slap ha Pynthor Wah heiwa da khyndang ko ya iwi i myndoo iwa em ha Iong Ka Skot (Pynthor Wah), Jowai.
Ini i myndoo toh i yong ka Hasina Challam wei kani ka la’ær da khyndang ko hadooh kamwa le pawa ki tin sap tnoom ini i myndoo wei da kit ya kini tin hadooh kamwa 20-30 meter jngai na ini i thaw.
Da antaad wa i doohnong ha ini i chah khyndang da kynjoh i chadooh kamwa T. 80,000.
Chooh chooh da ong leh wa em leh 2-3 tylli ki thuk-thuk yong kiwa khwe kiwa da pynyieñ harood sarok kiwa da chah tympat ha kani ka la’ær.
