Khynra ka HANM ha Byrnihat ya kiwa na baar, phah sangeh u DGP wa pynthut ya kiwa uiñ suwari

Ki heh wa yahkhmat yong ka HANM Central Body kiwa kynthup ya u President u Lamphrang Kharbani, u Asst. General Secretary u Louis Dohtdong deiwa synran lang kiwa yahkhmat ka seiñ na Ri-Bhoi District wa kynthup ya u President u Pateng Marsing da hiar ki ynnin ka 15 tarik yow kynreh ya kiwa na baar haka khyrdop kawa em ha Byrnihat haka yakrehlang wa ki pulit ka Ri-Bhoi Infiltration Police, wei ha kani ka khynra da yoh wow ksoh ya boon ngut ki baar jylla wa ki poiwiar kiwa psiah chapoh ka jylla khlem ki kot ki sla kiwa biang, neiliang yong ka seiñ wa ki pulit da pynuiñ noh ya kini cha ki thaw wa wan ki.

Ha i jooh i por katwa dang pynman yaka khynra da wanpoi leh u DGP ka Meghalaya uwa da yaklam wa ki dkhot ka HANM Central Body heiwa da kyntu deiwa ong wa kani ka kynreh toh i kamram ki pulit, ki seiñbhalang ym ye ki wow kynreh neibhah daw pynthut yaki Tourist næ kiwa uiñ suwari.

Ka HANM kawa man ka seiñ kawa em leh hapoh ka lama ka CoMSO da sñiaw ko wow beiñ ya ini i klam yong u DGP, heiwa ka HANM da pyntip ko cha u DGP wa lym da kani ka ‘Direct Action’ yong ka CoMSO daw pyntikna ko wa i khynra man ko kawa tikna, ha kitai ki Infiltration Check Gate.

Wei lada u tai u heh pulit, sñiawthut u yei emlang yong ki dkhot ka seiñ hapoh ka lama ka CoMSO, ka seiñ daw leh hi ko ya iwa emkaam neini chakhmat, wei lada i klam utai u heh pulit wow ong wa i em ki seiñbhalang ha kitai ki Check Gate daw pynthut yaki Tourist wow sñiawbha u wow pynbna paidbah katwon ngut kiwa ujor cha oo hajrong i pynthut yong ki dkhot ka CoMSO ya ki Tourist.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pynkut deiwa pyntip wa ka seiñ hawa yachem wa u Home Minister ini wa dep, ka COMSO da klam che ko wa daw emlang bait ko hawa kynreh ya kiwa na baar wow yarap yaki bru yong ka aiñ, wei lada u DGP sñiawthut u ya ini i klam wa u Home Minister toh u paan pynche u naka chnat yong oo, ym toh wow wan pynyoo bor wow subasih yei mynsieñ kitkhia yong ki dkhot ka seiñ kiwa da dooh thiah dooh dem wow sonteri ya i khia i chon yong ka jaitbru Ynñiawtrep waroh kawi.

Ini toh katkam wa khubor wa phah da u Louis Dohtdong Asst. General Secretary, HANM Central Body Shillong.