U Kynjaimon Amse ynne da e u da ka Affidavit hapoh ka Meghalaya High Court kam wow jubab yaka NHAI heiwa da sooh lang u wa i dur wa da chon haka 26-01-24 yong u sarok NH-6 ha ki bynta ka chnong Sonapyrdi, ha Sonapur Tunnel, ha chnong Kuliang, Pyrtakuna, Dona Umbuh wa ha khappood waka Assam ha ki bynta ka Ratacherra-Malidor.
Neiliang ka yung bichaar da khyrngiat ko wow yoo hadooh katwon wa sih u sarok wei ka yingkieñ leh ym yoo hoi de wow pynemkaam ki kari.
Neiliang ka NHAI won da pyntip ko wa da dep khut Tender wei da e leh yaka Contract yow pynchna ya u sarok heiwa da ong ki wa daw emkaam por chooh tangwa ka yung bichaar da ong ko wa i pynchna toh u leh smat ki.
Ka NHAI da e ko leh yaka Status Report wa da soi da u Project Director haka 5 tarik uni u bnai heiwa da em ki dur wa pynyoo yei pynchna ya u sarok tangwa ka yung bichaar da chem ko wa da em ki dur kiwa da rim kiwa da dep u wanrah hapoh ka yung bichaar ha ka Report warim kawa em tarik 11-12-23. Kamtæ ka yung bichaar da sñiawkhia ko yeini wym em chimkhia ya ini i kaam wa khia bha neibynta ki paidbah.
Neiliang u muktiar ka NHAI da hap u wow paan maap yeini wei da paan por u wow e da ka Report wa bniah kamjooh yow jubab ya kani ka Affidavit wa dang thymme.
Ka yung bichaar da phah ko wow pyndep smat yei pynchna kat hadooh itæ i por.
Discussion about this post