Khyrngiat ka JNC wa thung Waheh Chnong ka Assam da u Karbi hapoh u pood ka Ri-loom Jaiñtia

Ka Jaiñtia National Council – Western Zone ynne ka sngi da lai yachem ko wa u CEM ka JHADC, u Thombor Shiwat neibynta ka chnong Lakaroi kawa em hapoh u pood ka Ri-loom Jaiñtia kamjooh leh kawa hap hapoh yong ka Dorbar Chnong Pyllun Lapangap.

Ka seiñ da chem ko wa ha kani ka chnong Lakaroi da chong da sah da ki jaitbru Karbi kiwa da em kamwa 70 yung wei ka seiñ da dap ko dei sñiawdiaw hadooh kattæ kattæ hadien wa chem wa kini ki jaitbru Karbi kiwa sah hapoh kani ka chnong wymtoh i thaw wa kajia næ wa dang yapynbait hapyrdi ka Assam wa Meghalaya.

Ka seiñ da ong ko wa ha ki por kiwa dalai kini ki karbi kiwa chong ha kani ka chnong da em ki waroh hei pynlai yong ka Dorbar Chnong Pyllun Lapangap heiwa hadooh i thap vote leh thap ki ha chnong Lapangap hi kamjooh leh ki kot ki sla ha Lapangap.

Related posts

Ym pu em pynsangeh yei pynriam khrik-khrak ha Lumtiniang Park

January 2, 2026

Khut ka Jalapang Sports Club ya kiwa kwah wow thied ya ki Stall ka Fete wa daw pynman ha uni u bnai

January 2, 2026

Iwa phylla ka seiñ wa katkam wa man kattæ kini ki bru da rah ki ya ka vote kamjoh ya ki kot ki sla yong ki cha Assam wei wa da yoh ki leh ya u Waheh Chnong yong ki hi na ka jaitbru Karbi deiwa thung ya oo da ki bor ka Assam.

Ka seiñ da khyrngiat ko wei dap ko dei chrai deiwa ban joor ya u CEM wow phah bru na ka Council wow leh yeiwa emkaam wow pyndooh chisiendon ya i bor Waheh Chnong wa da pynkupbor da ka Assam ha ka chnong Lakaroi wei wym em hok hi leh u man waheh chnong da kiwi tawon ki jaitbru hapoh yong ka Ri Jaiñti, kamjooh wow pyndooh ya i rukom leh kini ki Karbi kiwa chong chnong ha kani ka chnong Lakaroi iwa da man ko ka chnong pyrchah aiñ dei em i thmu yong ki cha lyndet.