Shillong: U Symbood Montri Rangbah ka jylla, u Prestone Tynsong da ong u wa ki 5 ngut kiwa yoh thymme ya u khñiang COVID-19 ha ka jylla toh kiwa na East Khasi Hills wei kiwa da booh chwa hapoh ki Quarantine Centre, wei kattæ da booh ya ki ha Corona Care Centre kawa ha Shillong Civil Hospital.
Hawa klam ynne ka sngi, u Prestone da ong u wa ki paidbah ym toh u syier mynsien ki neibhah kini kiwa chah ktah ha u COVID-19 toh kiwa wan bait na baar wei ym em yachem ki wa kiwi kiwa ha ka jylla laitnoh du para ki, neibhah neiliang ka sorkar da pynrkhiñ bha ko yaki kyndon ya kiwa liwan na baar jylla.
U Montri da kyntu u ya kitu kiwa chong chnong kiwa liwan hi dei yong ki hi wow pyntip cha ka sorkar khnang wa ka sorkar u ye ko wow leh ya iwa emkaam, deiwa sylli bniah wei wow booh yaki haki thaw wa da pynkhreh kyrpang katwa ym pu yoh ya ka Report yong ki Test.
Neiliang u Montri wa pait ya i chait i khiah, u Alexander Laloo Hek da pyntip u wa hadooh katni ki Sample wa da phah Test da em ki 6563 tylli wei kiwa ym em yoh ya u COVID-19 da em ki 6138 ngut, kiwa em ya u COVID-19 hadooh katni em ki 7 ngut wei kiwa dang yang yaka Report em ki 395 tylli ki nongmuna.
Discussion about this post