Shillong: U Montri Rangbah ka Meghalaya, u Conrad K Sangma da pyntip u wa hadooh ynne i janmiet, 617 ngut ki bru da dep wow Test, ki wym em ya u khñiang khlam COVID-19 (Negative) da em ki 541 ngut wei kiwa dang yang wow yoh Report em ki 67 ngut, katwa kiwa dang em ya u COVID-19 (Active Case) da em ki 8 ngut ha ka jylla, wei man ki kiwa chait wa khiah kiwa lait nei maa.
Da pyntip u leh wa em 24,384 ngut kiwa da dep examin waroh hadooh kattæ, katwa kiwa pyntip cha ka sorkar deiwa phone hadooh kattæ em ki 49,391 ngut. Chooh chooh da pyntip u wa em 140 ngut kiwa yatoh kaam bha ha Bethany Hospital ha kini ki kajiak sngi wa da dep; 4,755 ngut toh kiwa da yachem pateiñ.
Ki bru wa em hapoh Qaurantine da em ki 2,557 ngut katwa kiwa leh yaka Home Quarantine da em ki 105 ngut.
Ha iwi i liang u Montri Rangbah da ong u wow yada na i chah ktah ha u khniang COVID-19, ka jylla da em ko kattæ 30,000 tylli ki PPE, wei myntu i miet daw pynpoi sa 20,000 tylli. Nalor ki Mask wa 3 rtap wa da em 3,24,500 tylli da em 3.6 lak tylli ki mask wa ye u pynemkaam boonsien hapoh ka jylla, nalor ki Mask N95 15, 072 tylli wa da em, dang phah wanrah chooh chooh wei da phah leh 4000 tylli ki tiar wow test jhan (Rapid Test Kit).
Da pyntip u leh wa da yoh yarap poisa kamwa T 5.5 klur na ka Chief Minister Relief Fund, na kani ka poisa ka sorkar da thied ko 25 tylli ki kari Ambulance kiwa daw poi cha ka jylla ha kine ki 4-5 sngi wow wan. Katwa ya ka poisa kawa dang sah wa yoh na ka CMRF daw pynemkaam leh neibynta wow rap pynbiang chooh chooh ya ki Corona Care Centre.
Ha i jooh i por u Conrad da pyntip u wa ynne ka sngi da lai sylli leh yaka Shillong Civil Hospital yow pait yei pynkhreh yow man ko kawa lai bait, heiwa da phyllu yumut u leh wa ki stat ka chait ka khiah hei emlang u Symbood Montri Rangbah, u Prestone Tynsong, u DHS u Dr. A war wa kiwi ki Doctor.
Da pyntip u leh wa daw chah wow wai yaki dukan dai yaki marbaam wa emkaam 4 sngi chi tayaw nadooh ka Monday hadooh ka Thursday nadooh 9 waje i step hadooh 4 waje i janmiet yow e por yaki paidbah wow lai thied ki yeiwa emkaam ki yow lait nei jhan i jhia wa i khynnia. Ya kiwa dai Wholesale won u chah u wai ki haka Friday, Saturday waka Sunday.
Discussion about this post