Kiwa dang yoh COVID-19 ha India dang pteiñ ki wow duna heiwa kiwa dang yoh ha kini ki 24 kynta toh kiwa duna dooh hadien 70 sngi wei da em ki hapoh 1 lak ngut la 5 sngi khlem sangeh, kiwa chait leh da tam ki ya kiwa dang yoh la 30 sngi wei kiwa dang chah ktah da hiar ki hapoh 11 lak ngut hadien 63 sngi.
Kiwa dang yoh ha kini ki 24 kynta da em ki 84,332 ngut, kiwa dang chait da em ki 1,21,311 ngut, kiwa dang yap 4,002 ngut iwa mut wa kiwa dang em ya uni u khñiang da hiar ki da 40,981 ngut.
Ha kni ki 24 kynta da em leh 5 tylli ki jylla wa boon da kiwa dang yoh ya kiwa dang chait kiwa kynthup ya ka Andaman & Nicobar Islands wa boon da kiwa dang yoh 25 ngut, Arunachal Pradesh 65 ngut, Bihar 552 ngut, Maharashtra 1043 ngut wa ha West Bengal 473 ngut.
Ha kini ki 24 kynta da leh 19,20,477 tylli ki Test heiwa kiwa chah ktah (Positivity Rate) da em ki 4.49% kawa da neh hapoh 10% la 19 sngi kattu.
Waroh kiwa da chait da em ki 95.07% kiwa em 2,79,11,384 ngut, kiwa dang chah ktah da em ki 3.68% kiwa em 10,80,690 ngut, kiwa yap 1.25% kiwa em 3,67,081 ngut, deilang dapoi 2,93,59,155 ngut kiwa da dep yoh ya uni u khñiang hapoh ka ri.
Heiyatoh wa i e tika, da dep wow e 24,96,00,304 sien wei kini kynthup ki ya 20,14,30,273 ngut kiwa da yoh yei tika chisien katwa kiwa yoh arsien da em ki 4,78,86,299 sien. Ynnin ka sngi da e tika 34,33,763 sien.
