Da u- C. Pynsakhiat Yeini Kyndiah
Kiwa soor wa chna mask hoi yaw sangki,
Kiwa dai man ki dukan leh i jooh hi.
Hand sanitizer wymye tang da pynbiang,
Ki tre company u thiah daka poisa wasiang.
Ari wa thnaam du chi ho ho donhi,
Smat wot u dait thah duwa duna i r’hi.
Blud wa kyr’ooh duwa loor ya ki tylloo,
Heitæ khyrngiat waroh hawa yoo.
Duwa yoh wyrta wow sdang noh u pyn-eh,
Hand sanitizer ki mask waroh da ya pynkhreh.
Han i daiñ mask kamwa pynteh donhi,
Katwa joor i tieñ police manda lai cha luti.
Related posts
Daiñ kiwa daiñ hawah i khmut,
Jan wymyoh de u virus u psut.
Daiñ kiwa daiñ hawah tangbieñ donhi,
Kat wymjooh tæ wa dooh la’ær ong ki.
Wym yoh hi u beiñ wym yoh hi u kynnoh,
Yeitæ hi na-ai du kiwa da yoo hi waroh.
Tangwa chiboon ki wymtieñ yow corona,
Sa khajak kamni ya phi u yoh O u khana.
Waroh wa ya tieñ ya ka aiñ donhi,
Nuwa yow corona tæ wymem hi.
Duwa yoo police næ officer na jngai,
Lor næ wasai mask yow nood najan ki u lai.
Wym pynlait de yei mask chi sien wada daiñ næ kieñ,
Tangwa du wa yachem lok dataan hawah tangbieñ.
Tang iwa sñiawsuk u ong heini,
Duwa dang tip i u tieñ ya ka aiñ donhi.
Iwa khaddooh kwah O u ong heini,
Dei jooh i kyrkhu u thæh u Blai ya i,
Kai manbru du i bakla ha pyrthai,
Dei tynjooh A Kynrad tæ duhai.
