Jowai : Ki pulit ka tnat pynlai kari (Traffic Branch) ha Jowai ynne ka sngi kam chibynta wow pynkynmoo ya ki paidbah yei kordor wow man husiar ki heipor yah kari da pynman ki ya ka rally wa kynthup ya ki bike wa ki kari pulit. Deilang wa ki tangheng yow pynbna cha ki paidbah yei wa emkaam ki u leh heipor yah kari.
Ini da leh deilang waroh ka ri kam chibynta wow kynmoo ya ka “Road Safety Week” namo ka tayaw pynkynoo padibah yei emkaam u man kiwa husiar ha ki surok.
Neilang u ma D. Pde u wa man kam u Officer In-charge Traffic Branch da pyntip u wa ka tnat traffic da dep pynman ko yei yachem wa ki wa yah taksi yow esikai yei rukom yah kari yow lait neiwon neiwon i jia wa snaiwshih kamjooh da dep pynyoo ya ki leh ki phlim hei yatoh wei ni.
Da khana u leh wa ka tnat traffic leh da sdang ko u fine ya kiwa yah kari khlem deiñ seat belt kiwa kyhthup ya waroh ki kari weiwa ki kari wa ym em seat belt haap pyndait noh ki. Ka fine man ko T. 300 wei hadooh katni da yoh ka tnat traffic kamwa T. 30,000 nei daiñ kuna ya ki wa ym em deiñ seat belt.
Yeini i deiñ seat belt toh ya ki arngut wa chong ha khmat ha waroh ki kari kamai kamjooh ki kari samen.
Neilaing ki pulit da maham ki wa lada chem ya kiwa yah kari deiwa muaid, dih sikret, kiwa pynemkaam high beam hei miet, klam phone wa ki wa yah ar chaka (bike) khlem helmet daw pynchitom ya ki katkam ka aiñ Motor Vehicle Act, 1988.
Heijoh i por leh da kyntu ya kiwa yah kari yow burom ki ya ki Traffic Sign, Ki Zebra Crossing kiwa da booh yow yada neibynta ki bru ki wa lai kjat.
Discussion about this post