U CEM ka JHADC, u Thombor Shiwat ynne ka sngi da wanrah u ya i thmu wow pynkylla ya ka aiñ Waheh Chnong kawa tip kam ka Jaiñtia Hills Autonomous District (Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong) (Amendment) Bill 2026.
Hawa klam hajrong kani ka mat, u Rikut Pareiñ da pyrchah u yeini i thmu khamtam ya ki ar tylli ki tyrwa pynkylla ya kani ka aiñ.
Da kdaw u wa heiyatoh wa ka Section 4 Sub-section 2 kawa da ong wa i pynlut ka Dorbar Elaka mar chiteiñ hawa pynman Election Dolloi wa ka JHADC, wei ini man i iwa ymye wow pdiang deiwa kdaw wa jooh man u kam u Secretary ka Elaka (Raliang) heiwa ym em ka Dorbar Elaka wot Rs. 5000 leh katwa kamtæ man iwa eh bha ini i thmu.
Da ong u wa em 19 tylli ki Elaka heiwa du kattu katni donhi kiwa em poisa neidaw wa em ki karkhana tangwa kiwa boon hi ymye ki wow bahkhlieh yeini kamtæ da tyrwa u wa ymtoh wow man kiwa jhan wow pynkylla ya ka aiñ.
Heiyatoh wa i thmu wow pynkylla ya ka Section 13 yong ka aiñ heiwa da tyrwa wow pyndam ya ki ar bnai wow ksoh ki Dolloi wa da thung donhi (Acting Dolloi), da kdaw u wa ki Dolloi toh i kaamram ki wow pait ya ka synchaar wa ki kaam niam wei i pynyinsur wow ksoh ya kani ka kaam man iwa bakla.
U Rikut da kdaw u leh wa emkaam wow pynkhlan chwa ya ka aiñ khnang wow chngaaiñ ka mynried ka jaitbru.
Discussion about this post