Ynne ka sngi ki chipai Indian Air Force (IAF) da lehkmen ki ya ka sngi seiñ ya ka namo ka Air Force Day kawa 88 nadooh wa da seiñ ya ka ha ka 8 Naichiphaw 1932.
Neiliang u President ka ri, u Ram Nath Kovind da ekhublei Air Force Day u ya ki chipai ka IAF kamjoohleh ki chipai wa da chong ngiah yong ka ri deiwa ong wa ka ri dap ko dei sñiawngooh ya ka IAF wa ki kaam yong ka.
Neiliang u montri yada ri, u Rajnath Singh da ekhublei u ya waroh ki chpai ka IAF wa kiwa ha yung yong ki deiwa ong wa hadien ki 88 tylli ki snem hadooh ynne da man ki kam ki chipai wa yoh yaroh.
U Conrad Sangma uwa man u montri rangbah ka jylla da yaroh u ya ki chipai kiwa chakri wow yada ya i wei burom u leh yei mynsien wa chlur yong ki wa i mynsien kreh chitom wow sonteri ya ka ri.
