Jowai: Ka Winter Festival 2018 kawa daw pynman da ka Yaman Creations (YC) ha ka 28 wa 29 tarik uni u bnai hajan ka kchaaid Krangsuri, Amlarem West Jaiñtia Hills u man ko neibynta kiwa da heh kamjooh ki khynnah wei da pynkhreh ya ki kaam pynwyrngia wa ha rukom wow pynmuja ya ki waheh wa khynnah, ki yalehke tynre kamjooh ki thaw sah miet.
Ha kini ki ar sngi daw em leh kiwa tem wa put na kylleiñ ka jylla ki wow wan pynchoh ya ki chkoor da ki sur wa boonjait kam ki Blues, Rock, Country wa kiwi kiwi.
Ha ka sngi wa nyngkong ka dhab tem na Shillong kawa tip kam ki Empirical Tribe u man ko kam kawa riñ ya ki paidbah chirrup wa ki 8 tylli ki dhab tem wa ka DJ.
Ki Empirical Tribe toh kawa da seiñ ha u snem 2009 wei katni ki dkhot kani ka dhab tem man ki kamni hawah:
Gregory Fancon – Vocals (2009 – Present)
Deibankmen G. Lyngdoh – (Guitars (2014- Present)
Barry Kharnaior-(Guitars (2016- Present)
Banshan Nongkhlaw- Drums (2009 – Present)
Anthony Sohtun – ( Additional Vocalist )
Albert Ryntathiang (AK) – Bass (2012 Present)
Ki Empirical Tribe da yoh ki wow maad nyngkong yei naam heiwa uwa rwai yong ka u Gregory da jop u yei naam Best Vocalist ha ka Meghalaya Icon 2 ha u snem 2011. Ha uni u jooh u snem da jop ki ya ka yakob Kolkata Autumn Music Festival wa pynman da ka American Center, Kolkata.
Ki Empirical Tribe da lai chimbynta ko leh ha ka Hornbill International Rock Contest ha jylla Nagaland.
Ki jait sur wa tem ki toh kiwa da yoh mynsien nei rukom tem ki dhab wa pawnaam ka pyrthai kam ki Europe, Queensryche, Dream Theatre, Circus Maximus, Iron Maiden, Lamb of God wa ki Korn. Hanlada kattæ leh ka Empirical Tribe em ki i sap wow pynmih ya ki jait sur ki yong ki hi kiwa man ki dak ki chin ki yong ki hi.
Kamwa man kattæ hi da pynlut ki yei por wow chna yei yong ki hi ki sur wei da yooluti ki wa ym slem de daw pynmih ki ya ka thup rwai (Album).
Ym du na Shillong ha ka sngi wa nyngkong na Jowai ka dhab tem wa tip kam ka Twilight won toh kiwa tem sur Blues, daw pynwyrngia ki ya ki paidbah kawa da seiñ nadooh u Naikhynde 2017 wei da tem nyngkong ki ha ka 21-09-17 ha ka World Peace Day ha Shillong.
Hadien ini da lai tem ki ha kiwa boon ki thaw hapoh ka jylla wei da embynta ko leh ha ka International Blues Music Day Festival wa pynman ha Shillong.
Kiwa tem wa rwai ka Twilight kynthup ki ya kini – u Shepherd Najiar-Guitar, u Rakesh Shylla-Bass, u Pal Pyrtuh-Drums, u Hynñiewbor Suting-Guitar wa u Dr. Salan Pyrtuh kam u Backing Vocals.
Ha kani ka lympung daw em leh ki khynroo na Jowai kiwa tip kam ki Larger Than 90, ki Menders, ka DJ Daffy na Shillong, Barry Mawthoh, ka Debra Rynjah wa u Halcom Tariang.
Daw em leh ki Colours kiwa na Shillong kiwa da wan tem ha kylleiñ ka ri waka jylla wei boon hi na ki paidbah yapbiej ki ya ki.
[arve url=”https://www.youtube.com/watch?v=Ro8mOduE1zY” /]
Discussion about this post