Ampati: Ka District Basin Development Unit ka South West Garo Hills chirup waka tnat Tourism ynne ka sngi da pynman ki ya ka e sikai chaphang ki Homestay namo kammon wow pynkylla ya ki yung ki sem kam ki thaw sah kiwa wan uiñke sawari kawa kyrchaan da ka Tourism Mission of Integrated Basin Development & Livelihood Promotion Programme (IBDLP) wa pynman ha Ampati.
Ha kani ka esikai ka yaklam wa nyngkong emkaam u tip kiwon ki thaw wa ka-it ki paidbah u lai ke wei wow sdang u chna ya kiwa emkaam nadooh ki thaw sah ki luti syngkieñ wei ya ini waroh da pynchlur ya ki khynroo khyllood wow leh ki.
U Deputy Commissioner ka South West Garo Hills u Cyril Darlong Diengdoh da ong wa ki kaam wa yatoh waka uiñke sawari toh kawa ye u e kreh ya kiwa boon dooh ki bru wei kam kani ka esikai daw e buit ko ya kiwa boon wa kammon u chim kabu ki ya kani ka kaam heiwa ka Bei Rymaw da e chwa cha i ya ki thaw wa miat kamjooh leh da em chwa ka dustur riti kawa phooh wa phieñ kamjooh ki bru leh da man chwa ki bha.
Hei yatoh wa ki Homestay da ong u wa man ki ki laad ya ki khynroo khyllood wow seiñ khih ki wei emkaam ki leh wow yakrehlang ki wei wow tipmit ka sorkar ki yow ye ko u yarap ya ki.
U Secretary ka A’chik Tourism Society, Dipu N. Marak da klam u chaphang wa emkaam u pynpawnaam ya ki thaw uiñke sawari kamjooh ya ki jait baam, ki mar ki mata wa kiwi kiwi wa mih na ri loom Garo.
Discussion about this post