Shillong: Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang ha yung u Mankupar Phanbuh, 1st Floor wa em ha Lower Mawprem, Lumkshaid iwa da emkaam wow leh yei booddien ya kiwa yachem wa kiwa yoh ya uni u khñiang kamjooh ya kiwa yachem pateiñ wei yow ye u leh yaka Quarantine, ki Test wa i khangkset yow yada yaki paidbah na i poor uni u khñiang.
Ka District Magistrate, East Khasi Hills District da pynmih hukum ko haka 13 tarik uni u bnai yow pynbna ya i itai i yung haneiñ kam i Micro Containment Area yow khang yei psiah i mih khlem yoh bor cha ini i thaw.
Ha kiwi won ki hukum, hadien wa da dep wow leh ya iwa emkaam wei da yoh yaki Report, ka District Magistrate, East Khasi Hills District da pynmih hukum ko haka 13 tarik uni u bnai yow pyndam yei pynman Containment Area yaka Administrative Building wa em ha Home Guard & Civil Defence Campus, Mawdiangdiang katwa kiwi won u man hi ki kam ki Containment Area ha kani ka Campus.
Da pyndam leh yei man Containment Area ka RP Chest Hospital Road kawa em pyrchah yaka thaw thang bru wa em ha Mawbah Barapathar wa ya i yung u Samuel Lalremkime ha Risa Colony wa i yong u Dr. D. Robin Dkhar wa em ha Demthring Block 3 hajan Supercare Hospital nadooh ka 13 tarik uni u bnai.
