Shillong: Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang ha ki yung ka S. Mawthoh wa em hadien Himar Complex, Howell Road, Laban wa ha ka (Top Floor) i yung u Biju Paul, Rilbong Burnside, hajan Sankardev Women’s Hostel wa ha ka (Top Floor) i yung u Sandy Marbaniang, Oxford Hills COJC Church wa em hajan Oxford Community Hall wa da emkaam wow leh ya i booddien ya kiwa em hei maa, ki Test wei wow khangkset yow yada yaki paidbah nei poor uni u khñiang.
Kamtæ ka District Magistrate, East Khasi Hills District da pynmih hukum ko haka 29 tarik uni u bnai yow pynbna ya kitai ki yung haneiñ kam ki Micro Containment Area nadooh ka 29 tarik yow khang yei psiah i mih khlem da yoh bor cha wa na kini ki thaw.
Ha kiwi won ki hukum, hadien wa da dep wow leh ya i booddien ya kiwa em hei maa wei da yoh leh yaki Report, ka District Magistrate, East Khasi Hills District da pynmih hukum ko haka 29 tarik uni u bnai yow pyndam yaka hukum pynman Containment Area ya ka Pavitra Joshi Compound, Lower Mawprem, i yung ka Persara Lyngdoh, Jaiaw Lumbatemon, ki yung ka Oklin Kharbhih, ka Phaitimai Kharbhih, ka Mitimai Kharbhih, ka Lilin Kharbhih, ka Bibiana Kharkrang, u Koshon Sohlang wa i yong u Jopkupar Kharbhih ha chnong Lumsohriew wa em ha Mawphlang C&RD Block, ka Campus ka Ramakrishna Mission, Sohra, i yung u Robin Laloo, Block – II, Upper Lachumiere waka Eee Cee Bakery deilang wa i thaw sah ki wakreh ha Hopkinson Road, Lower Lachumiere.
Katwa ya i Flat No.11 ha “Hill Vista” wa em ha i yung Building ka Merilda Suting wa em ha Upland Road, Laitumkhrah, Shillong u pteiñ hi i wow man kam ka Micro Containment Area.
