Shillong: Neidaw wa em kiwa yoh COVID-19 kamjooh wa da em leh kiwa em hei maa wow yoh ya uni u khñiang ha i yung u Subrata Das uwa chong wai u Biswajit Dutta ha Nirala Compound, Lower Lachumiere wa em pyrchah yaka PCI wa ha i yung ka H.B. Diengdoh, Lawsohtun, Block-6 heiwa da emkaam wow leh yei booddien ya kiwa em hei maa, u leh yaki Test wei wow khangkset yow yada yaki paidbah nei poor uni u khñiang.
Ka District Magistrate, East Khasi Hills District da pynmih hukum ko ynne ka 7 tarik yow pynbna ya kitai ki yung kam ki Micro Containment Area nadooh ynne ka sngi yow khang yei psiah i mih wa khlem yoh bor cha kini ki thaw.
Ha kiwi won ki hukum, hadien wa da dep wow leh ya iwa emkaam wei da yoh yaki Report, ka District Magistrate, East Khasi Hills District da pynmih hukum ko ynne ka 7 tarik yow pyndam yei pynman Containment Area ya i Qtr No-P11/3B, GPO Quarters, CPO Compound, ki yung u Nijabul Hussein, Qutub Manzil, Keating Road, i yung u Arun Kariwal, Flat W-303, Ferndale Apartments, i yung Brigthwell Bungalow Quarter No– 4 wa em pyrchah yaka Lady Hydari Park, i yung u J. Myrthong ha Laban Masjid Road wa em pyrchah yaka Elswer School, Laban, wa ki yung ka (L) D. Wahlang, Howell Road, Laban wa i Top Floor i yung ka Isabella Dhar, Hattak Colony, Oxford Hill hajan i Angel Guest House.
