Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang wei da emkaam wow leh yei booddien ya kiwa em hei maa, ki Test wei wow khangkset yow yada nei poor uni u khñiang.
Ka District Magistrate, East Khasi Hills District da pynmih hukum ko haka 25 tarik uni u bnai yow pynbna Micro Containment Area ya i yung u Amarjeet Singh wa u Gurmeet Singh wa em pyrchah yaka Angel’s Play School ha Upper Lachumiere. Ynne ka 26 tarik won da pynmih hukum ya i thaw (Compound) ka Rejoice Chyne wa em ha Nongrimbah Block-III, Laitumkhrah wa i thaw (Compound) ka Annie Rumnong, La I Mei Lane, Holy Ground Road, Nongkynrih, Laitumkhrah wow man kam ki Micro Containment Area.
Ha kiwi won ki hukum, hadien wa da dep wow leh ya iwa emkaam wei da yoh ya ki Report, ka District Magistrate, East Khasi Hills District da pynmih hukum ko haka 25 wa 26 tarik uni u bnai yow pyndam yei pynman Containment Area yaka Home Guards & Civil Defence Campus, Mawdiangdiang, i Quarter No. E-6 ka Survey of India, Barik, i yung ka Rodha Wahlang ha Jaiaw Langsning, i yung ka N Marwein ha Lawsohtun Block-5, i yung (Apartment) u Jibotosh Bhattacharjee uwa chong wai ha i yung (Building) u Dr. Phanbuh ha Bishnupur Inverneil, i yung (Apartment) u Kmalendu Roy uwa chong wai ha i yung (Building) u Manaf Bindra Ghosh iwa em pyrchah ya i O.B Tariang Building ha Rilbong, i yung u Kenneth Mawthoh ha Dhanketi, Malki wa i thaw (Compound) u Dr. Micky Khyriem (wa kynthup ya kiwa chong wai) ha Lawjynriew Lumbasuk-A, Nongthymmai.
