Khliehriat: U Deputy Commissioner, East Jaiñtia Hills District da pyntip paidbah u wa u Chairman ka National Green Tribunal (NGT) Committee da phah u ya waroh ki tre mooyong wa da dep chim yukheiñ (Assessed) wei ya u mooyong wa da pynlang chi thaw ha waroh ka District toh u tih ki soodong ya i thaw wa booh mooyong da ki dooid um khnang wa ka um mooyong ym tooid ko cha ki wah, ki hali wa kiwi kiwi.
Da phah ya ki wow tymmoh ya u mooyong da ka Tarpaulin wa da pynlang khnang wow lait nei um mooyong.
Chooh chooh da phah leh wow chna ya ki nan (Storage Tank) wow tooid ka um na ki thaw pynlang mooyong wei wow pynkhooid ya ka um wa lang da ki dawai.
Chooh chooh u Deputy Commissioner da phah u ya waroh ki waheh chnong, tre mooyong, tre paar wow bood ryntih wow pyntikna wa bood ya kini ki kyndon.
Ki dorbar chnong toh u pynbna ki ya ki kyndon wa da booh waroh wei wow ekti cha ka yung krehkaam chirup wei pyrtuid ki tre mooyong, tre thaw, tre paar wow bood ki ya ki hukum ka NGT.
