Ki sorkar jylla wa ki Union Territory ye ki wo pynemkaam ya ka Common Eligibility Test (CET) ka wow pynemkaam da ka National Recruitment Agency (NRA) heiyatoh wow jied namo thung kreh ya kawa da sdang da ka sorkar pyrdi.
U Minister of State (Independent Charge), Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh, da ong u wa ka Score na ka CET ye wow pynemkaam ya ki da ki Recruiting Agencies ha ki jylla kamjooh leh da ki Public Sector Undertakings (PSUs) namo ki chnat ka sorkar wei hadien won ha ki thaw kreh wa mantre da ki bru samen namo Private Sector.
Da ong u wa ini i leh daw yarap ko hei wow thung kreh kamjooh leh ya kiwa yaleh kreh ha ki jylla yow duna i pynlut yong ki nadooh ka poisa wa i por.
Wow leh yeini ye wow soi ya ka Memorandum of Understanding (MoU) wow pynemkaam ya ki Score CET wei ini daw yarap i ya kiwa thung kreh wa kiwa yaleh kreh.
U Dr. Jitendra Singh da pynche u wa ka DoPT da yaklam ki wa ki sorkar jylla hajrong ini wei da pynsñiaw ki yei pdiang mynsien yeini i tyrwa.
Da pyntip u leh wa daw pynyinsur ya kawa yaleh kreh wa wan na ki jaitbru khian paaid kam ki SC/ST/OBC iwa chong won ha ki aiñ wa ki kyndon wa booh ki sorkar.
Ya ka Common Eligibility Test ym pynman du hei ktien Hindi wa English tangwa hadien won waroh ki 12 tylki ki jait ktien wa da tipmit da ka 8th Schedule.
