Shillong: Katkam ka yutip wa da yoh na ki pulit da ong wa da 16 tarik uni u bnai heipor kamwa 9:00 waje i miet da em ki soo ngut ki damok kiwa da dat da choh da bom ya u Baharul Islam Borbhuya wei da lute ki na oo T. 15,000 wa ka mobile phone u na Bishnupur, Shillong.
Ha ka 20 tarik nawon u Rangan Ch Marak na Marak Songmagre, Jengjal PS (WGH) da ujor u wa ha ka 20 tarik uni u bnai heipor 10 waje i step u Sleng T Sangma wa ki lok yong oo deiwa pynemkaam ya ka wait da lute ki T. 21,200 wei da pynmynsoo ki ya oo leh kamjooh.
Ha ka 21 tarik nawon uni u bnai u Gulam Ansari da ujor u wa heipor 5:30 i janmiet ar ngut ki bru wa wan da ka kari kamai (Local taxi) kawa em u No. ML-11-2791 kiwa rah tari da lute ki ya ka kari wa yah u kawa em u Number AS-01FC-3235 najan Khliehriat Petrol Pump (EJH) heiwa da lute ki leh ya ka poisa wa T. 10,600.
Ha ka jooh ka sngi ka Jenny Dkhar chirup wa u Lakhon na ka chnong Tluh (EJH) da ujor ki wa ha ka 21 tarik uni u bnai wa heipor 9:30 waje i step da em ki damok wa psiah yabor hei yung yong ki wei da tooh ki kamwa chiphaw tula i ksiar, ka poisa wa T. 20,000, le tylli ki ATM Card, kawi ka Cheque Book wa 5 tylli ki Bank Passbook.
Pyn ha kajooh ka sngi u Pherrewell Dkhar da ujor u wa ha ka 22 tarik heipor 8:30 i step da kem ya u Paul Tlangte (38 snem) heipor wa dang tooh u ya ka car tape na kawi ka Maruti Van wa em u number ML-05Q-0643 najan Fire Brigade, Laitumkhrah, Shillong.
Ha ka 23 tarik nawon u Sourojit Shome da ujor u wa ha kani ka sngi heipor kamwa 1:30 i sngi da em soo ngut ki damok da knieh ki ya ka snieh poisa u wa ka mobile phone u najan ka Garo Union School at Boyce Road, Shillong.
Da ong leh wa ha ka 23 tarik uni u bnai u Rev. Tollington Shangdiar da ujor u wa da em ki damok wa psiah yabor chapoh ka Presbytery House and Rural Bank, Nongstoin Branch, Nondein (WKH) heiwa da tooh ki ya ka CPU wa ki ar tylli ki monitor wa chongdor kamwa T. 53,000 na ka Rural Bank.
Discussion about this post