Jowai: Katkam wa pyntip ki pulit, haka 18 tarik uni u bnai da em i jia ha chnong Trangblang, WJH heiwa ka Phlorida Amsi wa u kurim ko u Kyrmen Pohkyrnu da chah dat ki ha ki arngut ki bru wa sap Mask heipor 5:30-6:00 i janmiet. Ha ini i jia da mynsoo joor kini ki chi kurim wei da kit ya ki cha Dr. Norman Tunnel Hospital, Jowai wei da booh ya ki hapoh ICU. Ha ini i jia ym em i chah tooh na kani ka manyung.
Haka 16 tarik, ka Jamse R Sangma da ujor ko wa heipor 7:30 i miet da em uwi u bru wa ym tipmit uwa rah tari da psiah u cha yung ko wa em ha Bolsalgre, Baghmara, South Garo Hills, da maham u ka wei da paan poisa u naka. Neidaw wa teiñ ko da e ko kamwa T. 12,000 wei da chah tooh leh ka Mobile Phone ko.
Haka jooh ka sngi, u Bikash Ch Sangma da ujor u wa heipor pyrdi synyaw 5-6 ngut ki bru wa rah tiar siat da psiah ki cha yung u wa em ha Samdong Songma, South Garo Hills, da lute ki T. 2,500 na oo deiwa pynyang suloi oo wei da maham ki oo lada ym su ya ki sa T. 30,000.
Ka Silda Mukhim da ujor ko wa haka 14 tarik heipor 2 waje i step synyaw, u Linus Marngar da thang u ya i yung ka kurim u wa ya i yung kawa ujor hadooh wa da baam lut i diñ ki i yung ki wa em ha Jatah, Ri-Bhoi.
Discussion about this post