Ki kaam pynroi hapoh Garo waroh rah u Mukul du ha Ampati donhi: ND Shira

Jowai: U ND Shira uwa man leh kam u MLA ka NPP na Songsak Constituency, ynnin ka sngi da yaklam u wa kiwa pathai khubor ha Jowai.

Hei yaklam da ong u wa ki seiñ kieñ suloi wa em hapoh ka jylla ymtoh u khuslai ware ya ki neibhah manda poi ka NPP hei bor synchaar waroh ini daw ye u pynwiar noh yaki tangwa hei yatoh won wow yaklam suk wa kini ki seiñ da ong u wa katni ympu ye u ong kawon ka luti u jied ki.

Hei yatoh won wa daw yieñ u Montri Rangbah ka jylla ha ki ar tylli ki Constiuency wa kynthup ya kawa man u Shira kam u MLA naka Songsak Constituency, da ong u Shira wa em ka khubor wa ym tikna wa u Dr. Mukul daw leh u ya ini wei kam u MLA oo yaleh bait u lada em uwon uwon wa yaleh pyrchah ya oo wei kmen u yeiñ pyrchah ya u Mukul.

Da ong u leh wa lada ha ka sorkar pyrdi ka NPP krehlang ko wa ka sorkar NDA tangwa ha ka jylla hi ym em yatoh lok ko wa kawon kawon ka Party leh chwa ka Election wei yieñ yaleh hi ko samen.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Hawa kylli won ya oo wa waroh ki kaam pynroi da rah cha ri-loom Garo, da ong u wa iwa mih khubor wa iwa jia sakhiat ym yahaap i neibhah waroh da rah du cha Ampati deiwa e nongmuna u wa ka madan wa yahaap kyrdan wa ka International Stadium da rah cha Ampati, ki sarok ka NEC da rah cha Ampati wei waroh ki kaam pynroi hapoh ri-loom Garo toh du ya ka Ampati donhi.

Da ong u leh wa ha ka lehkmen dap 25 snem ka South Garo Hills District u Montri Rangbah ymbien u wow wan na sarok neibhah wa ym yoh thaw hiar ka Helicopter u wei i daw wym bien u wow wan na sarok toh neibhah ka sarok man ko kawa sih hadooh kattæ kattæ hadooh wa ki kari masi ym lait ki u lai.

“Ha-o boon ki kaam pynroi da poi ki cha ri-loom Garo tangwa ymtoh ha waroh kawi ka ri-loom Garo.” Da ong u Shira.

Da ong u leh wa u Montri Rangbah ka jylla da sdang u sa ka Basin Development kawa haap kylli na u Dr. Mukul yi mut u wow leh kawa kut du hei pynman Seminar ka e sikai tangwa ym mih iyi iyi leh wei ya ka poisa da sai na kiwa boon ki tnat sorkar kiwa ksoh u Dr. Mukul kam u Agriculture, Horticulture ka Fishesry wa kiwi kiwi wei ha ki kaam ri dakha kam ka Aqua Culture toh kawa ym poi cheiwon cheiwon leh kamwa man kiwi ki kaam wa sdang ka sorkar u Dr. Mukul waroh man ki kiwa sepai.