U Montri Rangbah ka jylla u Conrad Sangma hawa e yei klam hapoh ka yung dorbar ynne, da pynche u hajrong i chah pynbaad ka sorkar wa ki kaam pynroi wa da wanrah toh du deiwa chim ram.
Da ong u wa i pynlut ka sorkar da ku i da 13.2% ha u snem 2018-26 na ka 9.7% ha u snem 2013-18.
Ha ka mang tyngka yong uni u snem da ong u wa na ka Rs. 29,438 klur, ka ram man ko du Rs. 3,811 wei kiwi kawa Rs. 18,977 klur toh kawa mih naka jylla deilang ka dan wa yoh na ka sorkar pyrdi katwa Rs. 6,650 klur won man ki kam ki Scheme na ka sorkar pyrdi.
Kamtæ da ong wa na waroh ka mang tyngka kawa Rs. 29,438 klur, du 12% man ko kam ka ram iwa man katkam wa chah ka kyndon.
Da ong u leh hawa pait yeini ka poisa wa da pynlut kawa dapoi hadooh Rs. 18.977 klur ymtoh da ka ram tangwa kawa pynmih da ka dan napoh ka jylla hi kamjooh ka bhah wa yoh na ka sorkar kawa e ko leh cha kiwi ki jylla.
Da khana u leh hawa kheiñ kyllumlang, i chim ram ki jylla toh 19% hapoh ka ri heiwa ka Haryana kawa heh dooh kawa dapoi 39% tangwa deiwa kheiñ won da ka poisa kawa boon dooh wa chim ram toh ka Tamil Nadu hadooh Rs. 97,050 klur.
Heiyatoh won wa ki EAP namo ki Externally Aided Projects deilang ki yarap na ka SASCI, da on u wa man ki kam ka Grant. Da pynche u leh wa ka SASCI toh ka ram wa da e neibynta 50 snem kawa khlem sut wei kani ymtoh wow kheiñ ka kam ka ram neibhah da e ya kani leh cha kiwi ki jylla wei dadep thoh u leh cha ka Finance Minister wym toh u kheiñ ka kam ka ram iwa da leh da ka CAG iwa da pynyoo lakam wa dap ram ka Meghalaya.
Da pyntip u leh wa hapoh ka SASCI daw chim ram sa Rs. 2450 klur tangwa neidaw wa daw hap su ya kani hadien 50 snem, daw hiar noh i dor ko cha Rs. 83 klur donhi manda kheiñ ya ka Net Present Value.
Ka EAP da pynche u wa na ka poisa wa yoh, daw hap u su du 10% katwa 90% won daw su da ka sorkar India, wei kani da man ko kam ka poisa wa yoh mynkna wei ym jia itæ wa daw sah ram ki juk wa daw wan.
Discussion about this post