Jowai: Ki pulit da pyntip ki wa ha kani ka 22 tarik hadien wa yoh yutip ki wa tikna, da lai kynreh ki ya iwi i yung yong u Tobit G Momin ha Upper Babupara, Tura (WGH) wei da yoh ki hadooh 1,296 tylli ki dawai kuli wa tip kam i Spasmo Proxybon wa 140 tylli ki dawai kuli Nitrosun.
Ha ka 21 tarik won uni u bnai u Peter Marbaniang, Branch Manager, Meghalaya Rural Bank, Mowkaiaw Branch da ujor wa da em ki damok wa da mut wow lute ka ka Bank tangwa ym em ye ki u wai ya ka synduk poisa kani ka Bank.
Ha ka 20 tarik u Kitboklang Suchiang (30 snem) da haap u na kawi ka kari Bolero pick-up heipor wa dang lai ko ha Sahsniang (EJH). Ha ini i jia u Kitboklang da mynsoo u wei da kit ya oo cha Civil Hospital, Ialong wei da khlaad ha chiteiñ luti.
Ha ka 19 tarik won u Danial Pohthmi da ujor pyrchah u ya ka Kto Shylla wa da dai ko ya iwi i thaw cha oo ha Byndihati (EJH) hei dor T. 6 lak tangwa manda mut u wo chna yung ha ini i thaw ka Kto Shylla da wan ko wow pynsangeh ya oo wow chna yung u wei da kular ko leh wow pynuiñ ya ka poisa bai thaw, wei hadien wa ym em leh ko yeini u Danial da pteiñ u wow chna yung heiwa da chah maham u lada pteiñ u wow chna yung.
Ha ka 18 tarik ki pulit da yoh kem ki ya ki 27 tylli ki churia wa em bhang kiwa khia 56.875 kg na iwi i yung na Bara Bazar, Shillong wei da kem ki ya u Rishan Nongbet wa uwi u khynnah wa dang hapoh 18 snem.
Ha ka 23 tarik won ki pulit da chem ki ya i metyap yong uwi u bru wa tip kam u Yadav Rana na 4th Furlong, Shillong wa da pasi u ha i dukan dai tim u ha Polo Bazar, Shillong.
Discussion about this post