Jowai: Katkam wa pyntip ki pulit, ha ka 16 tarik uni u bnai da em ki damok wa tooh na ki le tylli ki dukan wa em ha Mawsmai wa ha Jorabat (Ri-Bhoi) wei da tooh ki ya ka poisa wa T. 14,500, ka CCTV Recorder wa kiwi de ki mar.
Ha ka janmiet ka 15 tarik uwi u khynnah wa dang 12 snem da chah yooh u ha uwi u mooid hadooh wa yap u ha chnong Mookyndeng, WJH.
Ha ka 15 tarik uni u bnai u Shamsu Zoha da ujor u wa da em uwi u bru u wym tipmit uwa da wan cha yung wa sah u iwa em ha 19th Bn BSF, Mawpat, Shillong uwa ong wa khrong Donation tangwa da tooh u kawi ka mobile na ini i yung.
Ha ka 14 tarik u Samrat Modak da ujor u wa ha ka 14 tarik da em ki bru wa da tympiah ya ka Scooty u kawa em ya u number ML-05N-2339 kawa pynyeiñ hajan Lumparing Community Hall, Shillong wei kini ki bru da tooh ki ya ki Airtel Recharge Vouchers kiwa chongdor T. 26,000 kiwa booh hapoh kani ka Scooty.
Ha ka 14 tarik u Bhim Kumari Rai da ujor u wa da em ki damok wa psiah tooh cha yung u wa em ha Nongkseh Riatsohkhlur, 3rd Mile, Upper Shillong wei da toh ki 12-tula ki kpieñ ksiar.
Ha ka 20 tarik u Rollingson Dkhar na chnong Jalaphet, (EJH) da ujor u wa ha u snem 2017 da pynlut poisa u T. 1,03,00,000 wow sdang ya ka Printing Industry ha Thomas Nongtdu Building, Myndihati (EJH) wei ya kani ka poisa da e u cha u Forester Pajuh. Hadien ini u Rollinson da chem u wa ym sdang ya kani ka Printing Industry wei hadien wa li paan u ya ka poisa na u Forester Pajuh da chah maham kylla u.
Ha ka 18 tarik u Rahul Kumar Biswa Sunar da ujor u wa heipor 3:30 i sngi da em ki damok da psiah tooh chapoh yung oo ha Barapathar, Mawbah, Shillong wei da tooh ki T. 40,000.
Ha ka 17 tarik u Md. Haroon da ujor u wa em ki damok wa psiah tooh chapoh yung u wa em ha Barapathar, Mawbah, Shillong wei da toh ki 16½ tula ki Gold Biscuit.
U Lucky Onestar Rani da ujor u ha ka 17 tarik heipor 9 waje i miet da em ki bru wa psiah tooh chapoh i yung u wa em ha Demthring Block-1, Shillong wei da tooh ki ya ka LED TV Sset, ki Woofer, ki sula waka poisa wa T. 30,000.
Ha ka 16 tarik u Porimol Roy da ujor u wa heipor 1:30 i sngi uwi u bru wa tip kam u Charak Ch Momin da wan u kam uwa wa thied tiar wei da tooh u ya kawi ka Mobile Phone na ini i dukan wa em ha Williamnagar Bazar (EGH).
Discussion about this post