Ki kaam pyrchah aiñ ha kylleiñ ka jylla

Jowai: Katkam wa pyntip ki pulit, ha ka 24 tarik uni u bnai heipor 8 waje i miet u Livison Koch da ujor u wa uwi u bru wa tip kam u Maniklal, da psiah u cha yung yong oo deiwa thmu wow tooh.

Tangwa da yoo uwa ujor ya uwa mut u tooh wei manda mut u wow ksoh oo da dung u ya uwa ujor hadooh wa da mynsoo u.

Ha ka 22 tarik uni u bnai da em wa tooh ya ka thuk thuk u Lamjoylian kawa pynyieñ hajan ka NEEPCO, Demseiniong, Shillong kawa em ya u number AS-01AZ-9501.

Ha ka 27 tarik heipor kamwa 12:50 i pyrdi synyaw ki pulit hadien wa yoh yutip wa bniah da kem ki ya u Tengrik N Marak na chnong Chachatgre, EGH wei na oo da yoh kawi ka suloi AK rifle, 11 tylli ki kuli 7.62 mm, ar tylli ki kuli pistol, 13 tylli ki File wa thylli (Folder File), soo tylli ki Mobile Phone, kawi ka Tent wa ka wi Solar Plates kawa pynemkaam wow Charge Battery.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Ha ka 26 tarik u Prolox Kumar Deb da ujor u wa heipor 10 waje i step da em ki damok wa tooh ya ki maar na i dukan u wa em ha Bawri Mansion, Dhankheti, Shillong.

Ha ka 25 tarik ki pulit da chem ki ya iwi i metyap yong u Binod Chettri na chnong Moolamanoh, EJH.

Ha ka 24 tarik u Mukesh Marak da ujor u wa da chem ya kawi ka truck kit mooyong kawa da chah ieh wa em ya u number AS-18C-2378 ha NH-62 , EGH. Ki pulit da kem ki ya kani ka truck wei da booh ya ka ha Rongmil OGC Camp, EGH.

Ha ka 23 tarik heipor 10 waje i miet da em kiwa tooh ya kawi ka thuk thuk wa em ya u number WB-74AS-5789 ka yong u Tapash Deb, kawa pynyieñ hajan Diana Guest House, New Kench’s Trace, Laban, Shillong.