Jowai : Katkam ka yutip wa da yoh, u Mukesh Jain yong ka M/s NES Sutnga Petrol Pump (EJH) da ujor u pyrchah ya u Rakesh Sharma (25 snem i rta) uwa jooh kreh hapoh kani ka petrol pump wa da wiar u nadooh ka 27 tarik heipor 6:30 i janmiet wei da rah u leh ya ka poisa wa T. 4,16,330.
Ha ka 27 tarik won, u Salmis Shylla uwa man leh u Waheh Chnong ka Moobakhon (WJH) da ong u wa ha kani ka miet kamwa 9 waje, katwa dang e wyrta paidbah u chirrup wa uwa kreh ka chnong wa pynbna yei wow wan u sahep ka Apex Bank cha ka chnong, u Pyniaid Phawa da choh da bom u oo u Salmis wei da maham u ya oo kamjooh.
Ha iwi tawan i jia kawi ka bru da ujor ko wa ha ka 26 tarik heipor kamwa 9:00 waje i miet, heipor wa liwan ko cha yung manda poi ko ha kawi ka Petrol Pump wa em ha EJH da chah rahbor ko ha u Md. Samser Ali cha yung yong oo heiwa da slaitbor u ka.
Hei yatoh wa ini ki pulit da register ki ya ki mukotduma wei dang takit ki ya ki.
Discussion about this post