Ki kaam tooh kam thok hapoh ka jylla

Katkam wa pyntip ki pulit, haka 2 tarik uni u bnai, u Samson Jojowar da ujor u wa haka 23-12-19 da yoh phone u 11 sien na kawi ka bru kawa pyntip cha oo ya ki Reward Points wa chong dor T. 10,000 heiyatoh waka Credit Card wei da kylli bniah ko chaphang ka Credit Card wei da e u leh ya u OTP yow yoh ya kini ki Reward Points. Hadien ini da chem u wa da chah ah u T. 40,000 naka Account u.

Haka chi tarik uni u bnai, u Maj. Sahil Grover uwa na 47/02 Pine Walk, Rhino Point, Shillong da ujor u wa da chah tooh i yung u wei da chah rah chi jur ki khadu wa em moolangnai wa chongdor T 2.75 lakh, uwi u moolangnai Ngakurta wa chongdor T. 1 lak, kawi ka sahkti moolangnai wa chongdor T. 70,000, chi joor ki sula kynthai wa em moolangnai wa chongdor T. 60,000, uwi u kpieñ ksiar wa ki chah chkoor wa chongdor T. 1.5 lakh, le jur ki Pendant wa chongdor T. 4.5 lakh, uwi u locket ksiar wa chongdor T. 30,000, ki tiar rupar wa chongdor T. 20,000 wa kiwi kiwi.

Haka jooh ka sngi, u Wanshailang Pakma da ujor u wa em wa tooh ka ka Scooty u wa em ya u number ML-11-1529 kawa booh u ha yung u ha Nongrimmaw, Block-C, Laitumkhrah, Shillong.

Haka 3 tarik, u Alex Kailiankhup Neihsial da ujor u wa da em wa tooh ka ka Scooty u wa em ya u number ML-05U-0115, kawa booh u hajan K.L. Bajoria College, Shillong.

Related posts

10 snem phah kset ka yung bichaar ya u Gentlyness uwa slaitbor ya ka khynnah wa dang 7 snem

October 17, 2025

Yoh kem ki pulit ka East Jaiñtia ya uwa khayi drugs | Deiwa phla u yoh kem sa uwa na Shillong

October 15, 2025

U Samuel Dkhar da ujor u wa haka 4 tarik da em wa psiah tooh ha i dukan u wei u wa em ha Bareh Building, Malki, Shillong wei da tooh ki yaka Camera wa chong dor T. 22,990, ar tylli ki Bluetooth Speaker wa chongdor T. 7,980, ki Earphone wa chongdor T. 3,390 waka poisa T. 450.

Haka 6 tarik, u Surendre Chaudhury da ujor u wa da em wa tooh ka ka kari Bolero u wa em ya u number AS-01DY-3660 na pchem kreh u wa em ha Baridua Ri-Bhoi.