Ki kaam tooh kari wa kiwi kiwi hapoh ka jylla

Jowai: Katkam wa pyntip ki pulit haka 18 tarik uni u bnai heipor 2 waje i step synyaw da em ki bru wa ym tipmit da tooh ki ya kawi ka kari Bolero Pick-up (AS-01DC-2891) ka yong u Francis Lyngdoh, kawa pynyeiñ ha Umling, RB.

Haka 16 tarik da em wa tooh yaka thuk thuk wa em ya u number ML-05E-5214 ka yong u Saroj Kumar Pandey kawa booh ha pchem yung u ha 6th Furlong, Polo, Shillong.

Haka 19 tarik won da chah tooh sa kawi ka thuk thuk wa em ya u number ML-06-7439 ka yong u Vigilius Marweiñ na pchem yung u wa em ha chnong Nongsiej, WKH.

Haka 25 tatik uni u bnai, u Samuel Sungoh da ujor u wa em ki bru wa tooh ya ki tiar ki tar na u Mobile Tower wa ki 12 tylli ki Battery wa chong dor T. 96,000 wa em ha Mooralong, Jowai.

Related posts

Yoh kem ki pulit ka East Jaiñtia ya ki soo ngut kiwa pynemkaam da ka Ambulance yow kit drugs wa chongdor Rs.1.5 klur

October 12, 2026

Chah kem u kurim heiyatoh wa i yap ka manbei kawa na Ri-Bhoi ha Eastern West Khasi Hills

October 8, 2026

Ka Teniya K Marak haka 12 tarik uni u bnai da ujor ko wa heipor 8 waje i miet heipor wa lai luti ko na Goalpara cha Nangalbibra, manda poi ko ha thaaiñ Tambura Wakok ha u sarok bah NH-62, da em kamwa 6-7 ngut ki bru wa sap Mask wa ki sap sula chipai (Camouflage Attire) da lute ki naka ya 2 tylli ki iPhone waka poisa T. 2,30,000.

Ka C.B. Marweiñ da ujor ko wa haka 24 tarik heipor 6:15 i step heipor wa lai kjat ko lyngba Dhankheti cha Boyce Road Muscle Gym, Laitumkhrah, Shillong, manda poi ko ha pchem kani ka Gym uwi u bru wa tip kam u Kartik Deb Nath uwa bood ka nadooh Dhankheti, Shillong, da ksoh u ka wei da pyrchang u wow tooh yaka mobile phone ko. Ha ini i por da kbai ko wei da wan u tre ka Gym uwa wan yarap wei wow kem ya uwa pyrchang tooh.