Jowai: Ka wi ka bru kawa 30 snem i rta da ujor ko wa ha ka 17 tarik heipor 12 waje i sngi uwi u bru wa tip kam u Khlarsing Lyngdoh Tdong uwa 70 snem i rta da jrongkti u ka ha dhari ka yung krehkaam u DC ha Shillong.
Kawi ka bru da ujor ko deiwa ong wa ha ka 15 tarik heipor 7:30 i miet u kurim ko uwa tip kam u Lurmangkara Wahlang da dat da bom u ka wei da maham tynyap u ka ha Lapalang, Shillong.
Ka Nitis Dkhar na ka chnong Ladrymbai (EJH) da ujor ko wa ha ka 15 tarik u Noor Mohamed da tooh u ya ki sahchkoor ka khon ko, hadien ini da kem ya oo wei da chem ya ini i sahchkoor na oo.
U Rangehbok Dohtdong da ujor u wa ha ka 15 tarik da ku kari kamai u wow lai na Khliehriat (EJH) cha Shillong wei manda poi ha Madanrting, Shillong, le ngut kiwa chong hapoh kajooh ka kari wa kynthup ya kawi ka kynthai da hiar ki wei da rah ki wa ka muna yong oo kawa em laptop, ki charger wa kiwi kiwi.
Ka Resik Lyngdoh da ujor ko wa ha ka 14 tarik heipor 5 waje i janmiet u Pyndap Pala da psiah tooh u hapoh i yung ko ha Khliehriat East (EJH) wei da tooh u ya ka TV wa ka Music System.
Ka Ribhalang Synnah da ujor ko wa ha ka 13 tarik heipor 1:30 i step synyaw ki damok da thang ki yei dukan ko wa em ha Mawpdang (EKH) wei neini i jia da doohnong ko hadooh T. 2 lak.
Kawi ka bru wa tip kam ka Millik Jan da ujor ko wa ha ka 12 tarik ka khon ko kawa 16 snem i rta da wiar ko na yung na 4th Furlong, Polo, Shillong wei da suba wa da chah rahbor ko ha u Md. Rakil Ali uwa na Gumir, Barpeta, Assam.
Discussion about this post