Ki kaam tyngkheiñ aiñ

Jowai : Katkam ka yutip wa da yoh na ki pulit da ong wa ha ka 4 tarik uni u bnai da chem ya i metyap uwi u bru wa tip kam u Ridoi Tati uwa em kamwa 60 snem i rta wei da chem wa da chah tynyap u ha ki damok ha ka chnong Ampubon kawa haap hapoh ka Muktapur. Ya i metyap yong oo da pynkit cha Ialong Hospital Jowai yow leh yeiwa emkaam.

Ha ka 2 tarik won uwi u bru uwa tip kam u Rajib Mukherjee da ujor u ha ki pulit wa ong u wa heipor kamwa 1 waje i sngi ki damok hapoh ka Maruti car kawa khlem Number Plate da tooh ki 16 tylli ki plait naar wa chong dor T. 60,000 na M/s Green Valley Cement Factory, Nongsning EJH.

Ha ka 30 Naiynru heipor 10:30 i miet ki pulit da kem ki ya kawi ka truck wa em u No. ML-04B-4608 wa kit mooyong ko pyrchah ya ka hukum ka NGT ha chnong Chohchrieh, EJH. Hei yatoh weini da chah kem ar ngut kiwa kynthup ya u Mihsalan Bamon uwa 42 snem i rta wa u Demas Langstang uwa 48 snem i rta.

Related posts

Chah tooh ka Scooty deilang ka Motorbike heijooh i por nei jooh i thaw ha Jowai

January 30, 2026

Napoh khloo yoh kem ki pulit ya uwa da chah pynngat ha kiwa boon ki kyndon aiñ

January 29, 2026

Ha ka 29 tarik won iwa jia, kawi ka kong Deiburom Nongtdu da ong ko ha ka 29 Naiynru heipor kamwa 9 waje i miet u kurim yong ka uwa tip kam u Arwotki Myria da maham wei da pyntieñ u ka ha yung sah yong ka ha chnong Umshlem kawa em ha ki thaiñ Nartiang.