Ki kaam tyngkheiñ aiñ ha kylleiñ ka jylla

Jowai: Ha ka 18 tarik heipor 12:30 i step synyaw ki pulit da kem ki ya ar ngut ki bru wa tip kam u Aditya Lohar (36 snem) wa u Sanjay Karma (35 nem) na Nongrimmaw, Laitumkhrah, Shillong wei da yoh ki na ki 0.69 gram u Heroin, wa ka poisa T. 3,400 wa kawi ka mobile phone.

Ha ka 17 tarik ka Eris Kharumnuid da ujor ko wa heipor 10:30 i step da em ki damok wa psiah hei dukan ko iwa em ha Lower Lachumiere, Shillong wei da tooh ki ya ka TV, ka poisa wa T. 1,500 wa kiwi ki mar wa chongdor T. 4,920.

Ha ka 16 tarik heipor 9:00 waje i miet da chah toh kawi ka scooty (ML-05N-8826) yong u Arkibal Rani na Mawkhar, Shillong.

Ha ka 15 tarik uwi u bru wa tip kam u Saifullah, da psiah tooh u ha i yung ka Gulshan Bibi iwa em ha 59-Jhalupara, Shillong heiwa da tooh u ya ki sah-chkoor ksiar wa i rupa wa chongdor T. 25,000.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ka 15 tarik heipor 4:00 waje i step ki damok da tooh ki ya ka wi ka Bolero pick-up (ML-07B-5199) ka yong u Sengberth M Sangma na Samanda Chinemgre (EGH).

Ha i janmiet ka 15 tarik, kawi ka scooty (ML-05M-5225) yong u Edmund G Marbaniang da chah tooh ko na Keating Road, Shillong.

Ha i miet ka 15 tarik heipor 9:00 waje i miet, uwi u koidi wa tip kam u Gaga Ch Marak (27 snem) da yut u na i khiandwar ka paikhana yong ka Tura Civil Hospital.

Ha ka 15 tarik u Rangbah Shnong ka Mawlai Mawdatbaki, Shillong, da ujor u wa hei miet heipor 9:40 ki VDP da kem ki ya soo ngut ki bru wa kynthup ya u (1) Marvinson Jyrwa, (2) Jason Marbaniang, (3) Manu Singh wa u (4) Soni Singh na Mawlai Mawdatbaki, Shillong. Na kini da chem ya ka tadong Golden wei da suba wa em Heroin, da chem leh ya u thyrnia wa ka poisa wa T. 26,013 na ki wei da ekti ya ki cha ki pulit.

Ka Linda Nongkrem da ujor ko wa ha k 12 tarik heipor 8:30 i step ka chirup wa u kurim ko wa ka lok ko da lai ki cha Lawsohtun, Shillong, ha ini i por ka Balari Lyngdoh Mawphlang chirup wa ki san ngut da khang ki ki ha yung wei da dat da bom ki ki.

Ha ka 11 tarik ka Arbina Riangshiang da ujor ko wa heipor 3:00 waje i janmiet u Pawlus Puwein da thmu u wow tynyap ya u kurim ko u Sowin Nongbri ha yaaw Maweit (WKH) wei ha ini i jia da mynsoo joor u kurim ko wei da pynkit ya oo cha Civil Hospital, Nongstoin.