Jowai: Ha ka 17 tarik u Mahesh Mondal da ujor u wa em ki damok wa tooh na i dukan u wa em ha Keating Road, Shillong wei da tooh ki ya ka TV, ka poisa, ka set-top box wa kiwi kiwi ki tiar.
U Ram Bahadur Thapa da ujor wa ha ka 14 tarik heipor 8:30 i miet da em wa tooh ka muna booh poisa u, ka mobile phone ki kot ki sla wa emkaam na i dukan u wa em ha Iewduh, Shillong.
Ha ka 3 tarik uni u bnai da em wa tooh ya 4 tylli ki kum gas (LPG) na i yung ka Noverwell K Iangrai wa em ha Langkyrding, Nongmensong, Shillong.
Ha ka 15 tarik u Marba Pale da ujor u wa ka Samngeit Pale (51 snem) da dat ka oo u pyrsa u wa tip kam u Kitbokmiki Pale da u tyrnem ha Mynsoo hadooh wa da mynsoo joor u wei da kit ya oo cha Civil Hospital, Ialong.
Ha ka 14 tarik da chem yei metyap yong uwi u bru u wym tipmit iwa pær ha iwi i krem tih mooyong ha ka chnong Moowakhu, EJH.
Ha ka miet ka 14 tarik da em wa tooh ya ka thuk thuk wa em number ML-04A-2770 ka yong u Bhagirath Prasad na ka chnong Shikilo, EJH.
Ha ka miet ka 14 tarik biang ki BSF ka Balughat BOP da kem ki ya uwi u nong Bangla deilang wa le tylli ki masi wa ki tiar ah sainar na i bynta ka BP No. 1075/2-S wa BP No. 1075/3-S (SWGH). Hadien won heipor wa thooh ki BSF boi dang em chooh ki bru da em won kiwa dat moo ki ha ki bru wa em sa kamwa 10 ngut.
U Nessywell Kharpuli da ujor wa ha ka step ka 13 tarik heipor 10 waje da em ki bru wa tooh na yung u ha Nongmynsong, Langkyrding, Shillong heiwa da yoh ki u rah le tula i ksiar wa chong dor T. 1, 10,000 wa ka poisa wa T. 20,000.
U Sodon Arengh da ujor u wa ha ka 13 tarik heipor 5 waje i janmiet u Stuel R Marak, u Namseng R Marak, u Tiu R Marak wa u Kiat R Sangma da dat ki oo ha yung wa sah u wa em ha Goldenanggrak (NGH) wei da lute ki oo T. 80,000. Kini ki 4 ngut leh da kam ki wa da kyrchaan ka GNLA ya ki.
Discussion about this post