Shilong: Ha ka 17 tarik heipor kamwa 12 waje i synyaaw da em ki damok wa thang ya ka Police Traffic Booth ha Mawiong Rim, Shillong.
Ha kani ka jooh ka sngi heipor kamwa 3:00 i step da oor i khyndaw ha Ladkyntong, Mawjrong (EKH). Ha ini i jia kawi ka khynnah wa tip kam ka Larisha Sohtun (2 snem 11 bnai) da chah tlep ko ha ini i khyndaw wei da pynkit ya ka cha PHC Swer, heiwa da ong wa da khlaad ko.
Ha ka 16 tarik heipor 10 waje i miet da em ki damok wa yah thuk thuk da pakhot Petrol Bomb ki ha Butcher Compound hajan Santinikatan, Shillong tangwa ym em u pdung u.
Ha ka 16 tarik hei heipor 11 waje kawi ka bru wa duna i bor pyrkhat wa tip kam ka Ribelda Syiemlieh na Dangar village (EKH) heipor wa lai e sumaar ko ha MIMHANS Shillong manda poi ko ha 7th Mile, Upper Shillong, da lai mihlait ko heiwa da wiar ko. Ha ka 17 tarik won da chem yei metyap yong ka na kawi ka wah khian ha 7th Mile, Upper Shillong.
Discussion about this post