Jowai: Ki pulit da pyntip ki wa da yoh ki ka ujor na ka Edel Trodis Dhar wa kiwi kiwi na ka chnong Mynsngat heiwa da ong ki wa ha ka 7 tarik heipor 7.30 i miet, u Elias Biam na ka jooh ka chnong da dung u ya u Herles Dhar da ka tari, heiwa da mynsoo u wei da kit ya oo cha Dr. Norman Hospital Jowai, hadooh katni ympu em u yoh kem ki ya u Elias.
U Deibor Suiam na ka chnong Pdeiniadaw da ujor u wa ha ka 3 tarik heipor kamwa 10:00 waje i miet u Mas Manner na ka jooh ka chnong da maham siat u ya u Deibor ha madan Pdeiniadaw.
Da yoh ka ujor na ka Ninipaia Lyngdoh na ka chnong Mowkaiaw kawa da ong wa ha ka 11 tarik heimiet i dukan ko wa tip kam i N. Electronics, Kma Building, wa em ha Iawmusiang, Jowai da chah khyndang i ha ki damok heiwa da tooh ki ya ki mobile phone wa chongdor kamwa T. 52,000.
Ka Basanti Shylla da ujor ko wa ha ka miet yong ka 11 tarik heipor kamwa 9:30 soo ngut ki bru kiwa da wan baam ja ki ha dukan ko wei manda dep baam ki da dam ki u su wei da dat ki ka hadooh wa mynsoo wei da duk ko u lai phah sumaar ko ha Nongtalang CHC.
Le ngut na kini da tip kam u Khun Dkhar, u Kiss Dkhar wa u Ward Phawa na ka chnong Muyput.
Ha ka 2 tarik ki damok da tooh ki ya ki mobile recharge card wa chongdor hadooh T. 13,900 na i dukan u Khatduh Ksih na Ladrymbai (EJH).
Discussion about this post