Ki kaam tyngkheiñ aiñ kiwa poi cha ki pulit

Jowai : Kini hawah man ki katkam ki ujor wa da pdiang ki pulit ka ka ri-loom Jaiñtia hei yatoh wa ki kaam tyngkheiñ aiñ :

Ha ka 24 tarik u ma Chiborn Shylla da ujor u wa ha ka 24 tarik heipor 1:30 i synñiaw da chah tooh ka Dumper Truck u na Phramer (WJH).

Ha ka 22 tarik won heipor 3:30 i janmiet uwi u Mukesh Sharma da thmu u wow slaitbor ya kawi ka bru ha Thangskai (EJH).

Ha ka 25 tarik uni u bnai won u Shining Kyndait da tooh masi u na u Evarist Phawa na Iongkaluh (EJH).

Ha ka 27 tarik won u Bud Ram Mato da ujor u wa ar ngut ki bru ha ka Maruti car ML-11-1346 da mut ki u pynmynsoo ya oo ha Byndihati Petrol Pump (EJH).