Jowai : Katkam ka khubor wa da yoh na ki pulit da pyntip ki wa da yoh ki ya ka ujor na ka Emidakashwa Jat heiwa da kynnoh ko wa ha 30 Khonchonglad heipor kamwa 6.30 i janmiet heipor wa liwan ko cha yung u kurim warim ko u Balari Phawa da ksoh u ka wei da maham u ka ha Wahiajer (WJH) wei da kem leh ki pulit ya oo.
Ha ka 26 Khonchonglad ka Manlang Siangshai da ujor ko wa uwa kreh ko u Phoni Rai da wiar u na i tyndur ko wa em ha Mihmyntdu Lumpyrdi (WJH).
Ka Pyndaptang Syngkon na Barato da ujor ko wa ha ka 2 tarik uni u bnai heipor kamwa 10:30 i step u Thin Situng da pam u da ka wait u ya u kurim ko u Meral Sten ha yung ka Biangroy Situng ha Barato hi. Ha ini i jia u Meral da mynsoo joor u na rdang wa na khlieh wei da pynkit ya oo cha Civil Hospital, Ialong wei da pynkit won ya oo cha NEIGRIHMS, Shillong.
Ki pulit da register case ki ya kini ki kaam wei dang pynman ki ya i takit.
Discussion about this post