Ki kaam tyngkheiñ aiñ wa poi cha ki pulit

Jowai : Kini hawah toh ki kaam wa tyngkheiñ aiñ kiwa poi cha ki pulit ka West Jaiñtia wei man ki kamni hawah.

Da yoh ya ka ujor hapoh ka Nartiang PIC na u Ojaniu Rabon na ka chnong Bhain Elaka Shilliang Myntang, WJH, heiwa ha ka 12 Kmaichonglad u Ioowanki Rabon wa u Manka Rabon na ka jooh ka chnong da maham ki oo wa kiwa hayung hasem yong oo wei da thang ki leh ya i yung ka Roiwot Rabon wei da maham ki wow thang yei yung u ma Ojaniu.

Da yoh ya ka ujor na u Medal Suchiang uwa man leh u waheh chnong ka Barato, WJH, heiwa da ong wa ha ka 3 tarik uni u bnai, u Aryiloo Sungoh, da ksoh u ya le ngut ki bru na ki san ngut kiwa em hapoh ka Local Taxi wa em u No. ML 04 A 1220 kawa pynemkaam ki u kit ya i phniang deisel wa tooh ki na ka truck wa em u No. ML 05 B 7684 na Barato.

Kini ki le ngut wa chah kem toh u Balawanbiang Liam na Thangrain, u Abraham Phawa na Mihmyntdu, u Wansuk Pale na Mihmyntdu, katwa ar ngut kiwa da yut toh u Resharge Dhar wa u Neh Dhar na Barato. Da em leh 6 ngut kiwa kam wa da chah tooh phniang ki ha kini ki san ngut.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da yoh ya ka ujor na u Berjilius Muksor, u Waheh Chnong ka chnong Takhniang, WJH, heiwa da ong u wa ha ka 3 tarik uni u bnai heipor kamwa 04:00 i janmiet, u Erly Panoh na ka jooh ka chnong da pynthut u yei pyndep yei niam yap bru wei da maham u ya kiwa heh ka chnong, wei uni u jooh u bru jooh pynawri u ha chnong dei langær.

Hei yatoh wa kini ki kaam ki pulit da register ki da ka case wei dang takit ki yeini waroh.