Jowai: Ha kani ka 11 tarik kawi ka Maruti Alto-800 ML-11-1453 da tyrrah ko ya kawi ka truck AS-25-7885 ha Phramer (WJH) ha ini i jia uwa yah ya ka Alto da mynsoo u wei da pynkit ya oo cha Shillong.
Ha ka 12 tarik heipor 3:30 nohchariñ ka sngi kawi ka Maruti car ML-05K-2378 kawa yah da u Promisewell Kyndait da ya tyrrah ko wa kawi ka kari ML-05M-6858 ha 11th Mile, Mylliem (EKH) heiwa da mynsoo ar ngut wei da pynkit ya ki cha Civil Hospital Shillong.
Ha kani ka sngi heipor 8.20 i miet ka Ford Figo ML-05L-4058 da tyrrah ko ya ya ka Daplang Lamare (30 yrs) ha Sohryngkham, EKH heiwa ka Lamare da mynsoo ko wei da kit ya ka cha Civil Hospital Shillong.
Haka 13 tarik won ka Maruti Alto-800 (ka wym em number) da tyrrah ko ya uwi u bru uwa 40 snem ha Laitlyngkot, EKH heiwa da mynsoo u wei da kit ya oo cha Civil Hospital Shillong.
Ha ka jooh ka sngi heipor 12:15 i sngi kawi ka truck (wym tip number) da tyrrah ko ya uwi uwa khrong uwa tip kam u Abdul Rahim ha Byrnihat, Ri-Bhoi wei da pynkit ya oo cha PHC Byrnihat heiwa u Medical Officer da pyntip u wa da khlaad u Rahim.
Ha ka 14 tarik nawon heipor 12:10 i synyaw kawi ka bus ML-05-8034 kawa yah da u Indropal Singh (45 snem) da tyraah ko wa kawi ka thuk-thuk ML-05P-9307 wa yah da u Rudy Shadap (21 snem) ha Laitumkhrah, Shillong. Heini i jia uwa Shadap wa uwa chong wa oo uwa tip kam u Lenny Pyngrope (21 snem) da mynsoo ki wei da kit ya ki cha Nazareth Hospital, Shillong, heiwa u Pyngrope da khlaad u.
Discussion about this post