Ki kaam tyrrah kari wa kiwi kiwi ha kylleiñ ka jylla

Jowai: Ha ka 5 tarik uni u bnai, katkam ka yutip wa yoh na ki bor pulit da ong wa heipor 1:30 i sngi, kawi ka Maruti Car ka wymtip number da tyrrah ko ya kawi ka thuk-thuk wa em ya u No. ML-05C-9912 ha Byrnihat.

Ha ini i jia ki ar ngut kiwa chong ha kani ka thuk-thuk da mynsoo ki wei da pynkit ya ki cha CHC Byrnihat yow yoh ki yei sumaar wa paka.

Ha ka 05 tarik uni u bnai heipor kamwa 3:30 noh chariñ ka sngi, kawi ka truck wym em number da tyrrah ko ya ka kari le chaka namo ka Auto wa em number AS-01AC-1770 ha 17th Mile, Byrnihat heiwa da mynsoo le ngut kiwa chong hapoh kani ka Auto wei da pynkit noh ya ki cha Civil Hospital Nongpoh yow yoh i sumaar wa paka.

Ha ka 6 tarik uni u bnai nawon heipor kamwa 6 waje i step, kawi ka kari Pick-up wa em u number AS-01-HC-6520 kawa yah da u Sohanur Hussain, da kylla ko ha chnong Dainadubi, North Garo Hills, heipor wa kit mooyong tooh ko pyrchah ya ka hukum ka NGT.